A BRAZI VERTI
Me ricordo
come fusse ieri
de l’àbito streto
color verde giada,
le calze de seda
on par de scarpe nove
par i me sedes’ani…
e pa ‘l me primo amore.
S’à fermà anca l’aria
intorno:
te me si vegnù incontro
a brazi verti. brazi: braccia; verti: aperte.
Me s’à inpizà on soriso
come fa el sol
quando che‘l sbocia sbocia: spunta
de prima matina:
E t’ò volesto ben
streta tra i brazi
mai più verti.
Lucia Beltrame Menini
Dal libro “Come neve de piope”