POESIA

SLUSIROLE   

                                                          slusirole: lucciole

Dài, pàrleme ancora

de tuti i to pensieri.

Dime che vegnarà

giorni piturà de rosa,

passi sora i prà

a pestezar el veludo                            pestesar: pesticciare

de la caezagna.                                    caezagna: capitagna

Usma de salvègo                                 usma de salvègo: profumo di selvatico

tra mi e ti,

perle de farfoio                                    farfoio: trifoglio

inpizè                                                     inpizè: che si diffondono

ne l’onbra de la sera…

E slusirole,

slusirole che bala

e spanpana saòri                                 spanpana: spargono intorno

d’erba e de tera.

Lucia Beltrame Benini

Dal libro “Come neve de piope”