L’APPUNTAMENTO DEL LUNEDÌ…TRA POESIE DI CASA NOSTRA

EL VERSOR

Con la scartà ben lustra,

tirà dai quaranta cavai

de la gran machina, el versòr

el se pianta ne la tera,

roersando di gran sloti,

preparando i solchi driti

par la sòmena del formento.

Me piase assé guardarlo,

vedar la tera rebaltà

che la fuma a l’aria

fresca del primo autuno,

i useléti che ni trimi

i va in çerca de sentanini

o de altre bestioline,

pensar che quela tera scura

presto la deventarà

verde de formento o polenta.

Inveçe no me godo par gnente

a sentirme quel versòr

che g’ò sempre qua drento,

che me crivéla el cor,

me ròsega matina e sera,

me solca tuta l’anema

par far nassar solo dolori:

l’é el versòr de la vita! 

Prof. Giuseppe Masini