CALCIO. IL CHIEVO OTTIENE FINALMENTE L’ACCESSO AL CONCORDATO PREVENTIVO
3 Gennaio 2022
ZAIA: PER ALMENO DUE SETTIMANE RIMANIAMO IN ZONA GIALLA
4 Gennaio 2022
CAPEL DE PAIA
Nel campo vizin a casa
da na setimana
gh’è na persona strana:
capel de paia in testa,
sule spale na giacheta vecia,
con le braghe, pusè larghe che longhe.
Nol capiso sto tizio:
el speta a brazi verti
no se sà mia ci.
L’è lì, da giorni e giorni
soto al sol e ala luna.
Se pol dir, che de pazienza
el ghe n’à na zista:
colazion, disnar e zena
gnanca el se le pensa.
A dir la verità, el m’à fato pecà:
con sto caldo e sta afa:
gnanca on sgorlon de acua?
Così ghe no impenio on fiasco
e me son avià par portarghelo.
Ma, quando son sta’ a on passo
me son acorto che l’è on paiazo,
on spaenta osei,
con na panza esagerada.
L’è lì, par spaentar i oselini
che i voria portar on pasto
ai so picolini, che speta
cualche gran, là nel nial.
Dirì che son vecio e orbo
ma el mondo l’è pran storto:
gh’è sempre, ci more de fame
e ci crepa, par la panza
massa piena.
Mario Bissoli
il contadino poeta
