MINISTRO URSO IN VISITA, IERI AL MUSEO NICOLIS
27 Maggio 2024L’ALTRO GIORNALE – EDIZIONE VALPOLICELLA
28 Maggio 2024
CARO EL ME FOSSO
Me perdo drio la riva par na storia
caro el me fosso, ‘rente a casa mia
e la to voze inpizza la memoria
de quando che vegneva in conpagnia…
Me zia sul scano la cantarelava
fin che inizzói ne l’aqua icoréa via
e mi co na bacheta a jé fermava…
po’ su al soga stendéa la biancaria.
Go ‘ncora soto al naso chel profumo
inbonbegà de canti de oseleti,
mis-cià al camin de casa pien de fumo.
Po’ quando la canpana de i Fioreti
la saludava la polenta in grumo
se desmetéa de pèrdarse in zugheti.
‘Desso che no son pi na buteleta
e ò passà ‘ia da on toco la meza età
voria incontrare ne la to aqua neta
chel cigno bianco che on di m’avéa incantà.
Lucia Beltrame Menini
Quando tase el vento
