L’APPUNTAMENTO DEL LUNEDÌ…TRA POESIE DI CASA NOSTRA

‘El Carneval a Santo Stefano’

Ci à dito che a Verona

no gh’è più la monarchia

par mì l’è solo un mona,

ignorante, ci chel sia.

Che quando riva l’ora 

che sfila el bacanàl,

i nobili i vien fora,

re e duchi iè la sàl

ma un duca prestigioso

l’è quel de la pignata,

coi schei l’è generoso

se i manca el te le cata.

Dignitari e lù in testa

el gà dei tempi ‘ndadi

nobiltà, e la ghe resta

se anca i ani iè pasadi

E che dir del Dio de l’oro

che el te encarna l’alegria

palancon che par laoro

conta i schei che nol gà mia

Par ne l’Adese tranquilo

che pian pian va verso el mar

che sia un brivido sutilo

par el gran luni pignatar

Roberto Bissoli