L’APPUNTAMENTO DEL LUNEDÌ…TRA POESIE DI CASA NOSTRA

LA FOTOGRAFIA

G’ò na fotografia

lì… nel mezo de la tola

al posta de na rosa,

doe na olta el tempo parea  fola,

ogni giorno profumava de festa

 intorno a on piato de minestra.

Adesso l’aria l’è cambiada,

l’è na tempesta drio l’altra

senza speranza de vedar

la tola pareciada con na toaia a fiori.

Gh’è sol sta fotografia

senza pì colori, ma piturada de ricordi. 

L’è spiegazada a forza de stricarla,

g’ò consumà parfin el vestì:

quel bianco bel da sposa.

Ogni olta che la baso

par che la me risponda,

da là su, sentada sora na stela:

— Son mi, son ancora quela,

son la to sposa che te speta

par stricarte ancora on poco,

in sto mondo on po’ speciale

doe se camina con le ale

e podema brazarse

senza mai molarse.–

Mario