RANA VERONA CONTRO MODENA
22 Aprile 2024
SMOG E PIANURA PADANA. I SINDACI CHIEDONO AIUTO
23 Aprile 2024
EL BON PROFUMO DE LA TERA
Me fa ancora maraveja
la voja de vivare indrio
in te la mente chel tenpo
intrezà de promesse,
tra graspi de passi ecapriole
in tel prà senpre verde
de s-ciantisi e de emozione.
Poder bagnarme i pié descalzi
in te la rosada fresca
de l’erba molesina tra le vegne,
co’ fassi de papàvari e dalisi
da spanpanare in chel bel di de festa
ni te al procession del me paese.
Sentire el bon profumo de la tera
che viene dal so core generoso,
miracolo de on dono regalà,
goduo ‘nte l’aria verta a piene mane
siori de silabe de gioia e de belezza.
Ne move svelta la ‘oze de i afeti
soto la bala argento de la luna:
l’ora de l’Ave me slonga na carezza…
di Lucia Beltrame Menini
Quando tase el vento
