L’APPUNTAMENTO DEL LUNEDÌ…TRA POESIE DI CASA NOSTRA

               Dal ‘San Zen che ride’:

     “…vecio no brontolar dormi i ti soni, pensa: mile ani e semo ancora qua.”

         “San Zen se sveia”

Taratatum! Le nuvole più nere/ le avea tira’e spanto tuto atorno:/un cioco forte da tremar le piere,/ cambiando in note el ciel da quel del giorno./                                                             ——                                                                 E l’era sta’ così potente el boto/che i colombi dai busi de la tore/i era scapadi tuti quanti soto/quasi sigando: “ Via butei! Se more!/

—–

E se la ciesa l’avea verto ‘n ocio,/ la tore du’e el campanil piasse’/ e a San Zen g’avea sbatu’ el zenocio/ el pesse prima de cascar sui pie’./

—–

Fin che la piova la vegnea zo a seci,/el temporal parea lustrar la piassa,/ quasi el capisse che chi oci veci/i era restadi tanto al scuro,massa./

…..

Cussi’ par farghe vedar tuto belo,/ supiava l’acqua sbruschinando forte:/ piere copi, con tuto quanto quelo/che se podea lustrar,anca le porte./

…..

Po’ con la stessa pressia dei spiansisi/el bruto tempo l’era’nda’ distante,/lassando el sol sugar i fiordalisi/del pra’ de re Pipin tuto grondante./

…..

L’era de magio, el mese de le rose/e le madone sante coi butini/in mezo a statue e cristi su la crose/parfumava de fiori e de lumini./

…..

Fora, tirando l’ocio da la tore,/ se fasea el ciel neto e sempre più seren/lassando el sol al temporal che more/e supiando el vento co l’arcobalen./

…..

Ma l’imagarse striadi da la chiete/ l’era dura’ gran poco su la piassa,/ parchè bacan dal brol de l’arsiprete/ el sacrestan ghe ne sentea fin massa./

…..

Zente foresta co le facie strane,/in braghe curte co le brassa scuerte,/ gh’è fin i mori che vende colane/ vissin coriere co le porte verte./

…..

E tuto questo esercito de zente,/ el se afanava urtandose a la ciesa,/ pagava franchi come fusse niente/ lì sul portal come…’ndar fare la spesa./

…..

‘Na olta drento, senza più el respeto/ che de segnarse l’era proprio el manco,/ zo a far spiansisi con ‘nafareto/ a rente n’omo che tegnea banco./

…..

Enzenociarse? No, no gh’era verso./ Un’orassion? ‘Na roba dita in più;/ lustri de fora ma… calcossa perso/ come pa’n vecio la so gioventù./

…..

Ma dime Berto, n’dele le donete/ che vegnea sempre drento par pregar?/ Quel silensio fada’ e chela chiete/ che verze el cor e che te fa’ sperar?/

…..

Ma sa me importa desso essar più bela/ sa ghe interessa dime ti a San Zen/ se par davanti a’n lume de candela/ te senti ‘n udo che no dà seren!/

…..

Ma lassa pur che Minico Bardassa/ possa ancora zugar a tamburel/ e la maraja sigar su la piassa/ butandose d’asalto al so castel!/

…..

Cussi’ la ciesa se sentea umilia’,/quasi pianzendo la ciamava ci/ verzendoghe el so cor l’avea canta’/ ma essar nol podea oramai più lì./

…..

El campanil de fora l’era chieto,/ impilona’, la testa su Verona/ e nol savea sa fare lu’ poareto/ da dimandarghe fin a la Madona./

…..

Po’ Via! Cori da l’Adese so amigo/ che rente a bissaboa entra in cità,/ sempre sveio come par castigo/ forsi el solo a saver la verità./

…..

Savuda, lu’ el l’avea, a quela vosse,/ alto masisso ma pur sempre zentil/ porta’ de corsa par regal de nosse/ za’ che la ghe fasea da sempre el fil./

…..

Su dai! No tortela, no sta a rabiarte,/i tempi i cambia ma va ben cussi’;/ qua la miseria l’è sta messa in parte,/ ciameghe poco,mejo anca par ti./

…..

I omeni forsi j è cambiadi un poco,/ ma la speransa no la pol morir,/su dai indormensete par n’altro cioco/ gh’ è za’ su in alto ci le pol capir./

…..

El sol l’avea suga’ le piere fora/ al batociar campana de le sie’/ e la basilica più bela ancora/ la se scaldava i ossi drita in pie’./

…..

Con l’ocio umido ma sempre verto/ che de Brioloto vol sia nato fiol,/ speransa e ruda par un sogno cuerto/ che gira e rugola portando sol./

…..

Pipin! Pacifico! Varde’ Verona!/ Raterio vescovo! San Zen l’è qua/perla che slusega de ‘na  corona…santo patrono de ‘na grande cita’.

      Roberto Giuseppe Bissoli