POESIA

9 Settembre 2024

PAGINA D’AMORE

Lo sò che la me Bassa l’è on calvario

e la me zente porta su le spale

el peso de le lune in calendario

e i segni de na tera ch’è stà male.

Lo sò che la fadiga l’e sta tanta

che la miseria on tenpo l’era granda,

però ghe lóghi ‘ncora che t’incanta

e pare che de sera i te dimanda

parcossa le contrade ancó iè morte

e no ghè più el calore de na volta

tra tute le fameje de la corte…

Adesso tanti parla e pochi scolta,

fin el dialeto l’à subio la sorte

de i fati de la vita ormai stravolta.

di Lucia Beltrame Menini

dal libro “A pié descalzi”