LESSINIA RALLY I PRIMI DETTAGLI
19 Agosto 2024
VALPOFITNESS – PROMO
20 Agosto 2024
ZÌNGALA
Du coi mori e lustri come brase,
Che sghima furbi tra i banchi del marco,
On filo in fasse e nantro ‘ncora in… fase,
La gira intorno zigando:”Carità !”…
in cambio de ’n augurio de fortuna.
Mi me comovo al punto che strangosso,
voría jutarla come qualcheduna
à fato, e me dimando come posso…
E fin che me discorso… lì par lì
la vedo nare via co’ on buteloto.
Chi ‘l fusse… ci, no lo sò! Lo seto ti?…
L’avéa butà par tera el so fagoto
e po’ desfà la panza drio de mi
inbalonà de straze fichè soto.
Alora go pensà a i me buteleti
che m’ò porta nel pèto con amore
e mai farìa de manco de i so afeti
parché ie ‘l ben de tute le me ore.
di Lucia Beltrame Menini
dal libro “A Piè descalzi”
